هل تعاقد الزمالك مع دي كاستل سيكون الحل الأمثل للحاله اللي بيمر بيها النادي من اربع سنين وداخل اكيد في الخامسه
ولا ده مسكن من المسكنات الكتير اللي مبقتش بتحوق في جسد الزمالك اللي نحس من كتر المسكنات
الزمالك بقي عامل زي اللي عنده مرض عجيب واحتار الأطباء فيه وبدل ما يشوفوا ايه مرضه وازاي يعالجوه بيدورا علي مسكنات يمكن اي واحد فيهم يجيب نتيجه لكن النتيجه ان حالته من سئ لأسوأ.
لو الزمالك مشكلته لاعبين الزمالك غير معظم الفريق في الخمس سنين اللي فاتوا بدل المره تلاته أو اربعه.
الزمالك جاب لاعيبه أول ما راحت الناس كان بيقولوا الزمالك هياخد كاس العالم مش الدوري بيهم ومفيش داعي لذكر اسمائهم لأن كل الناس عارفاهم.
يجيي اللعيب من دول نقول هو ده اللي هيسوي الهوايل ماتش ولا اتنين تلاقيه جاتله العدوي من كسل ولعب من غير نفس واحباط ومشاكل واحباط ويائس وغيره وغيره وعلي ده الحال من خمس سنين ومفيش فايده.
انا شايف ان ازمة الزمالك بكل بساطه هي أزمة ثقه .
مش استقرار ومجلس معين ولا منتخب ولا حتي مجلس الأمن هيقدر يحلها هي بكل تأكيد أزمة ثقه.
ثقه في مدير فني يكمل مع الفريق مهما كانت النتايج مهي خربانه خربانه ليه منجربش.
ثبات تشكيل للفريق نص موسم على الاقل مش كل شويه لاعب يلعب وبعدها يختفي خالص.
واخيرا شوية لاعيبه عاملين زي السرطان في الجسم يروحوا اي نادي تاني يمكن ربنا يوفقهم.
اولهم جمال بيه جمزه وياخد معاه ابو العلا دول مستواهم مش وحش بس مينفعوش الزمالك حاليا
الزمالك محتاج ثقه ولاعيبه رجاااااااااااله مش اكتر
الأحد فبراير 08, 2009 12:01 am