فضوها سيرة

مع الأسف كل أندية الدوري المصري تلعب لصالح النادي الأهلي حتي المنافسين الي يشوف نتائج الأسبوع الأخير يلاقي الطريق مفروش بالورود للنادي الأهلي فالمنافسين التقليديين خسروا (الزمالك والأسماعيلي) والمنافسين الجدد تعادلوا (بترو جيت) وبعد كدة تيجي الفرق المنافسة للأهلي تقول أصل الحكام مع الأهلي( كتكم خيبة بنويبة ) العبو الأول بعد كدة أتكلموا على الحكام ويجي كل فالح منهم يشحن جماهيره على الأهلي والأتحاد والكل كليلا ويقولوا الأهلي بيخرب الكرة المصرية طيب يافالحين تعالوا نحسبها بالورقة والقلم : من سنة 98

هيجي واحد يقول لية يعني مش قبل كدة أقوله علشان يافالح أول بطولة أفريقية مصر تخدها والجيل ده واعي ليها هي 98

1. بطولة 98 مصر بطلة أفريقية (الأهلي بطل الدوري)
2. بطولة 2000 مصر خسرة البطولة (بداية أنهيار فرقة الأهلي )
3. بطولة2002 مصر خسرة البطولة(الزمالك بطل الدوري)
4. بطولة 2004مصر خسرة البطولة الثالثة على التوالي (الزمالك بطل الدوري)
5. بطولة 2006مصر بطلة أفريقية (الأهلي بطل الدوري والسوبر المصري وأفريقية والسوبر الأفريقي وسادس العالم)
6. بطولة 2008 مصر بطلة أفريقية (الأهلي بطل الدوري والكاس والسوبر المصري وأفريقية والسوبر الأفريقي وثالث العالم)

يعني من الأخر نجاح الأهلي هو نجاح لمصر وأنهيار الأهلي هو أنهيار الكرة المصرية .

يجي واحد فالح تاني يقولي الأهلي بيخرب الفرق وياخد اللعيبة الجاهزة طيب ههنقول كلنا كدة شوفوا بقي السنة دي كل فرقة من الفرق اللي بتقول الأهلي بيخرب في الأندية وشوفوا أشتروا كام لاعب و باعوا كام لاعب وكام لاعب جابوا ومشاه زي ماجابوا .

يعني الأهلي لما يدور على لاعيبة ويجرب ويشوف يبقي دا تخريب ولما هما يعملوا كدة دا شيئ وطني وفي مصلحة البلد طب الاهلي بيجيب لعيبة ويخد بيها بطولات أنتوا بتعملوا أي كتكم نيلا.

وكمان لو بصيت هتلاقي معظم اللعيبة اللي بتلعب في الدوري من لعيبة الأهلي وأقرب مثال 3 لاعبين في الزمالك من الأهلي (شريف أشرف - أحمد مجدي - هاني سعيد) وأثنين لعيبة في الأسماعيلي من الأهلي (أحمد سمير - محمد فضل ) دا غير الباقي والي أنا مش فاكره من الأخر علشان نريحكم أعملوا زي الأهلي لو بتعرفوا